പ്രിയ സുഹൃത്തുക്കളെ വണക്കം...
ഞാന് സ്നേഹ, ബിരുദ വിദ്യാര്ത്ഥിനി. അച്ഛന്റെ ഉദ്യോഗാര്ത്ഥം പ്രവാസജീവിതം.അമ്മയില് നിന്നും കേട്ടറിഞ്ഞും അച്ഛന് സമ്മാനിക്കുന്ന പുസ്തകങ്ങളിലൂടെ വായിച്ചറിഞ്ഞും വല്ലപ്പോഴും വീണു കിട്ടുന്ന അവധിക്കാലങ്ങളിലൂടെയും മാത്രം അറിയുന്ന എന്റെ നാട്, എനിക്കേറെ പ്രിയപ്പെട്ടതാണ് .
ദേശദേശാന്തരങ്ങള് തോറുമുള്ള ജീവിത യാത്രയില് വിവിധ ഭാഷകളിലൂടെയും സംസ്കാരങ്ങളിലൂടെയും കടന്നു പോകുമ്പോള് , എന്റെ നാടിന്റെ, ഭാഷയുടെ ഒക്കെ മഹത്വം ഞാന് തിരിച്ചറിയുന്നു. മഹാത്മാഗാന്ധി , വിവേകാനന്ദന് , മദര് തെരേസ തുടങ്ങിയ പുണ്യാത്മാക്കളും ഭഗത് സിംഗ് ,സുഭാഷ് ചന്ദ്ര ബോസ് ,റാണി ലക്ഷ്മിഭായ് തുടങ്ങിയ വീരാത്മാക്കളും ജീവിച്ച മണ്ണില് ജനിക്കാന് കഴിഞ്ഞ ഭാഗ്യത്തില് ഏറെ സന്തോഷിക്കുകയും ചെയ്യുന്നു.
എന്റെ ചെറിയ ചിന്തകളും സ്വപ്നങ്ങളും പങ്കു വെക്കാന് ഞാനും ഈ ബൂലോകത്തില് .... നിങ്ങളുടെയെല്ലാം അനുഗ്രഹങ്ങളും പ്രാര്ത്ഥനകളും തേടിക്കൊണ്ട് ഞാനെന്റെ ബൂലോകയാത്ര തുടങ്ങട്ടെ....
സസ്നേഹം
സ്നേഹ
